شفتها يا سعود صدفه...

[غالي الأثمان]

شفتها يا سعود صدفه بعد ما غابت سنين
عند قسم المختبر وسط مشفـى الجامعـه

جيتها ثم قلت ممكن في سؤالي تسمحيـن
ناظرت فيني بدهشه نظـره متواضعـه

قالت انت تحسبني من بنـات صايعيـن
تحسبني في زماني عن طريقي ضايعـه

قلت انا ماراح اطـول كلبوهـا كلمتيـن
وابعدت عني شويه ثـم جتنـي راجعـه

قالت اسال واضح انك من رجال طيبيـن
بس هرجك يالسنافي كان وشهـو دافعـه

قلت انا حبيت وحده يوم كنـا صغيريـن
ومن ثمان اسنين راحت للمواصل قاطعه

عقبهـا ماذقـت نـوم يهتنيـه النايميـن
ساهر في طول ليلي لين شمسي طالعـه

اذكر انه فيه حبه فوق ثغره مـن يميـن
واذكر انه لاجرينا كـن شعـره يتابعـه

واذكر انه عاشق من الـورد الياسميـن
صار قلبي بالورود الي عشقها زارعـه

طابع اسمه بقلبي فيه سين وفيـه عيـن
وفيه الف وفيه دال وسط قلبـي طابعـه

قاطعتني بقولها سبحـان رب العالميـن
كررتهـا مـره ومرتـيـن ورابـعـه

قلت وشفيك وشبـلاك يابنيـه ترجفيـن
ليش عينك يابنيه مـن كلامـي دامعـه

قالت الموقف وقلبي والمحبـه والحنيـن
كيف اشوفك بعد ماكنـت عنـك قانعـه

قلت انا بسألك انكانـك انتـي تذكريـن
عن مواثيق ثمنهـا مـن حياتـي دافعـه

قالت ظروف الزمان ماتطيـع العاشقيـن
بيعوني غصب حبك لو هو ماني بايعـه

انا في دنياي حالي كنها حـال السجيـن
حتى لو فكوا سراحه فيـه شـي مانعـه

زوجوني غصب واحد وحرموني حاجتين
السعاده فـي زمانـي والحيـاه الرائعـه

والحين انا ام لثلاثه عندي ريم وياسميـن
والولد ا سمه على اسمك والمشاعر جايعه


مما راق لي
بس تبون الصراحه والله على الجرح جابها ..
لكم التحيه والود ...

[القلب النابض]

شفتها يا سعود صدفه بعد ما غابت سنين
عند قسم المختبر وسط مشفـى الجامعـه


يعني ما وراك غير الصيدلة والتمريض ولا تبي تعلمنا بأنك متخرج من التمريض

بس شكلك ياولد إنت كاتبها في وحدة وتبي سوقها قلت سعود >> ههههههههههههههه

فعلا قصيدة رائعة بروعة حضورك أخي الغالي

[عزف المشاعر]

ذكرتنا بالاخت صدفه عسى ان يفك كربتهم
قصيده رائعه سلمت الأيادى

[صدفه]

مشكور عزف المشاعر
على المشاعر النبيله
امين يارب

[المستشار]

صح لسانك وفالك البيرق

[وحيد الشقاوي]

الله يعطيك العافيه على القصيده وصح لسانك على القصيده

[أبوخالد]

أبيات في منتهى الروعة ..
تسلم الأنامل ع النقل ..