ألجماله

[علي المحمودي]

والله مدري ليه قلبي قام وارسل لك رساله

باعتذر لك رغم أنفه ربما انك تسمحينه

هذا قلبي كل مره يقحم الروح بهباله

وانا دوم أطرد بثاره وانتي تكفين تعذرينه

وانا لوكان بهوايه كان ادور لي بداله

مير شوقي قدرة الله دونه أضلاع ضمينه

وانتي لو حسيت ضيقه أساليه شلي جراله

ولا لو كبرت في نفسك يمكن انك تسجنينه

أحبسيه داخل عيونك واجعلي رموشك ظلاله

ولو شرب من بحر عينك لا تحني وتخرجينه

وانا لو جيت في زياره بأسألك وش هو بقاله

وانتي قولي اللي بقاله كثر ماطافت سنينه

ولو نوى يهرب فديتك اجعلي الخصاله عقاله

ووثقيه وشدي قيده ولو بكاء لاترحمينه

وبعدها وان مات بيدك هذي والله الجماله

كفنيه وحنطيه وذمتي لا تفقدينه





الساعدي

[عزف المشاعر]

مشاء الله عينى عليك بارده
صح لسانك وفالك الف مليون
رائعه اخى على المحمودى

[صدفه]

مشكور اخى
كلمات جميله

[علي المحمودي]

هلا بمن شاف ورد هذا من طيبكم ومن حض المنتدى بكم شاكرين مروركم والاخت صدفه وين غبتي عنا هلا فيك

[الأصيل]

كلمات رائعة وجميلة

[القحماني بلس]

صح لسانك اخوي وفالك البيرق
وننتضر ابداعاتك

[علي المحمودي]

هلا با الاصيل والان عرفنا
من هو الاصيل بعد اللقاء باالاستاذ\محمد عيسى المحمودي

[الشقيفي]

كلمات جميلة وعبارات رائعة

تشكر على هذا الإبداع المميز

[علي المحمودي]

هلا بالشقيفي انت ابو علي وتقبل تحياتي

[ابو تركي]

صح لسانك وعلا شانك

قصيده رائعه بروعة كاتبها وناقلها سلمت الأيادي يامحمودي

[سهم]

الله على الذوق الشعري